[ طبق رئيسي ] طبخاتنا اليومية بالصور ..

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
السلام عليكم ورحمة الله وبركاته

حبيت اشارك بتطبيقي لصينية البطاطس للعضوة الجميلة خذاني الشوق ❤

وااجد لذيذ الطبق وسهل وسريع كنت قبل اسوي طبق مشابه اليه واكور الالو وكان يتعبني ومكلف نوعا ما
بس طريقتش نفس طعمه بالضبط والذ منه بمرااحل وسريع و غير مكلف يعطيش الف عاافية حبيبتي عالوصفات الجميلة❤❤
عليكم السلام ورحمة الله وبركااااته

حبيبتي هني وعافية والله يعطيش العافية

أي كور الالو يصيرر ثقيل اذا مهروس أحلى واخف
 

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
سلام عليكم
بنات عندكم طريقة البيتزا الا ع توست ؟!

Sent from my SM-G973F using mBahrain mobile app
عليكم السلام

شرائح توست حطي عليه كاتشاب او صلصة بيتزا وزيتون مشروم طماط فلفل بارد جبن مبشور رشة اوريغانو ودخليه الفرن تتحمص من فوق يأخذ له تقريباً ربع ساعه
 

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
~ شيش طاووق ~


٢٠١٩٠٨٢٨_٢١٥١٣١.jpg



المقادير:-

صحن صدور دجاج طازج ( 500 جرام ، نص كيلو )
علبة روب كاملة
عصير ليمون طازج
خل
رشة زعفران مطحون
فلفل أسود
ملح
بهارات تركية (عثمانية )
زيت زيتون

الطريقة:- نقطع صدور الدجاج إلى مربعات رفيعة ونتبله بكل المكونات ونخليه لمدة يوم كامل (24 ساعة) في الثلاجة.


بعدين نشكه بالأسياخ مع طماط وفلفل بارد واذا تحبون بصل ،، جزء منه شويته بالاير فراير لمدة ربع ساعة مع رشة زيت زيتون وجزء منه شويته بالمقلى مع رشة زيت زيتون .. والاثنين كان تمام والطعم ممتاز ..

وبالعافية

يقدم مع سلطة روب بالخيار وحمص يمي يمي
 

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
مافن بيض

طبق سهل وسريع ولذيذ حق ريوق الأطفال وحتى الكبار

المقادير:-
3 بيضات
حبتين مشروم مقطعة صغار ومقلي
حبة بطاطس متوسطة مقطعة صغار ومقلي
رشة ملح وفلفل اسود
جبن مبشور
رشة أوريغانو

الطريقة:- نخلط كل المكونات مع بعض ونوزعهم بكب ورقي ونخلي فوق جبن مبشور ورشة اوريغانو وندخله الفرن لمدة ربع ساعه وبعدين نحمره شوي من فوق ..

طبعاً بيكون احلى لو كان فيه خضروات ( طماط ،، فلفل بارد ،، كزبرة ،، بصل ) بس بنتي ما تحب الخضروات فأكتفيت بالمشروم والآلو بس ..


٢٠١٩٠٩١٩_٠٦٢٩٥٧.jpg


٢٠١٩٠٩١٩_٠٦٢٩٥٩.jpg
 

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
السلام عليكم ورحمة الله وبركاته ،،،


قيمات لذيييذ من ايدي :ok::love:


٢٠١٩١٠١٨_١٦٤٩٣٨.jpg
طريقتي
طحين بالخميرة ( تقريبا قلاص وربع)
ملعقة طعام نشأ
ملعقة طعام سكر
ملعقة طعام حليب بودرة
ملعقة ونص خميرة فورية
رشة زعفران

نعجن المكونات بماء دافي لين نحصل على قوام متماسك (مو سائل ولا ثقيل )

نغطيها بنايلون وفوطة ونخليه يتخمر لمدة نص ساعه فقط ..

وبعدين نقلي اللقيمات بزيت حار وغزير اول ما نحطه تكون النار هادئة وبعد ما ينتفخ ويتكور نرفع شوي عالنار مع التقليب المستمر ..

اول ما نشيله نخليه بمصفاة حق يطلع الدهن الزايد وبعدين نقلبه مع الدبس ونزينه بالسمسم

وبالعافية >> لااا يوووقف :delicious::delicious::delicious:
 

Bunasser

عضو متميز
المشاركات
2,952
النقاط
113
شيش طاووق بطريقة المبدعة مشرفتنا @خذاني الشوق
مشاهدة المرفق 106686

خبز هذي طريقته
https://www.instagram.com/p/BkvelM_nVqg/?utm_source=ig_share_sheet&igshid=m1e66norj2ly
مشاهدة المرفق 106687

صينيه الالو بجبس بطاطس عمان
الو مفيوح نهرسه ووياه قطعه زبده وشويه ملح وفلفل اسود وبابريكا ونرصه في البايركس ونخلي فوقه خلطة قيمر وجبن سائل وشوية مايونيز وعليه موزاريللا اذا مافي موزاريللا نخلي جبن سليس وندخله الفرق من فوق لين يتحمر بعدها نطلع ونخلي فوقه جبس عمان متفتف
مشاهدة المرفق 106688
مشاهدة المرفق 106689
سلطة سهلة ولذيذة
مانجو ورمان وجرجير ونخلطهم مع بعض ونخلي حسب الرغبه سماق ريحان مجفف ونعناع مجفف
الصوص خل البلسميك ليمون وشوية ملح
مشاهدة المرفق 106690

ابداع بصراحة....الله يعطيكم العافية
 

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
يميي مغري حده عوافي اختي
ممكن اذ تعرفون ماركه زينه لدبس الرمان
جربت ماركه اسمها الضيعه الطعم ضعيف ومو لهناك
ماركة يمامة زين وبس ماعرف أنواع واجد اني اخد أي شي ما اتقيد بشي معين اهم شي تشوفينه غليظ وتمام من الشكل ينعرف
 

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
٢٠١٩١٠٢٧_٠٦٤١٢٨.jpg


٢٠١٩١٠٢٧_٠٦٥٢٤٠.jpg



٢٠١٩١٠٢٧_٠٦١٥١٠.jpg



كرسبي دجاج زنجر (صنع منزلي )

تتبيلة الدجاج


* صحنين صدور دجاج طازجة ( حوالي 800 جرام)

* كوب ونص حليب طازج
* ربع كوب عصير ليمون طازج
* 3 بيضات
* ملح
* فلفل أسود
* بصل مطحون
* فلفل أبيض
* فلفل أحمر
* ملعقتين طعام روز ماري ( اني ما عندي استعملت اوريغانو)
* ملعقتين طعام كزبرة مطحونة

نقطع صدور الدجاج بالنص ( عشان يكون عندنا قطعة ستيك رقيقة ) ونطرقها بمطرقة اللحم وبعدين نخليه بالتتبيلة على الأقل 4 ساعات (يفضل ليلة كاملة ) ..


وبعدين نطلعه بره يرتاح لمدة نص ساعه قبل القلي عشان وقت القلي ما يخترب ويكون مو مقرمش ..


نشيل قطعة الدجاج ونغلفها بتغليفة الطحين

التغليفة :-

* كوب ونص طحين

* كوب نشأ
* ملعقتين طعام بيكينغ بودر
* ملعقتين طعام كزبرة مطحونة
* ملعقتين طعام فلفل أحمر
* ملعقة شاي ملح
* ملعقة شاي فلفل أسود
* ملعقة شاي فلفل أبيض

نخلطهم مع بعض ونغلف الدجاج بالخلطة ونرجع نخليه بسوس التتبيلة ونرد نغلفه بالطحين ( يعني نغلفه مرتين عشان تكون الطبقة سميكة ومتغطي من جميع الاتجاهات )


نقلي قطع الزنجر بزيت حار وغزير على درجة حرارة متوسطة لمدة 7-15 دقيقة لين يتحمر ويكون عندنا ناضج ومقرمش ..

وبالعاافية يقدم مع خبز التورتيلا أو سندويش وبالعافية

كانت تجربة ممتازة بلا مواد حافظة بلا مثلجات صنع بيت فرررررررش :ok::ok::clapping::love:
 

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
كب كيك الفواكه

٢٠١٩١١٠٥_٢٠٥٥٣٥.jpg


٢٠١٩١١٠٥_٢٠٥٤٥٧.jpg


٢٠١٩١١٠٥_٢٠٥٥١٩.jpg




طريقة عمل الكيك الاسفنجي

* 2 كوب طحين فاخر
* 1ونص كوب سكر بودرة
* 1 كوب حليب سائل
* رشة ملح
* رشة فانيلا
* نص كوب زبدة ( في حرارة الغرفة ) حوالي 100 جرام زبدة
* 3 بيضات
* ملعقة طعام بيكينغ بودر

الطريقة:- نخلط الزبدة مع السكر لمدة 5 دقائق أو لين يصير الخليط كريمي ،، وبعدها نضيف البيض وحدة ورا الثانية واحنا مستمرين بالخلط وبعدها نضيف الحليب بالتدريج ،، ننخل المواد الجافة مع بعض ( الطحين ، البيكينغ باودر ،، الملح ،، الفانيلا ) ونضيفه حق الخليط بالتدريج ..

نوزعه بالكب الورقي وندخله الفرن يكون مسبق التسخين على حرارة 180 لمدة ربع ساعه تقريباً وبعدين نحمره من فوق ونطلعه يبرد ..


الكريمة:-

* 1 علبة قيمر كبير
* 2 ظرف دريم ويب
* ربع كوب حليب أو على حسب الحاجة ودرجة الكثافة المطلوبة

نخلطه في الخلاط الكهربائي لين يصير كثيف ومتجانس


نزين الكب كيك بالكريمة والفواكه تقدرون تاكلونه دايركت او تدخلونه الثلاجة يبرد شوي وبس بالعاافية
 
آخر تعديل:

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
 
مركز البحرين التجاري غير مسؤول عن أي اتفاق تجاري لا يكون طرفاً فيه. لذا يتحمل الطرفان البائع والمشتري المسؤولية القانونية الكاملة.
يتحمل كل عضو المسؤولية القانونية الكاملة دون مركز البحرين التجاري في أي تعليق ينشره في صفحات المركز وأقسامه.
 
الأعلى