[ طبق رئيسي ] طبخاتنا اليومية بالصور ..

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
٢٠١٩٠٥١٧_١٨٠٢٣٤.jpg


باستا بالدياي والخضروات

احط في القدر زبدة وشوي زيت زيتون اضيف له فص ثوم مبشور لين تطلع ريحته اضيف الدياي والخضروات ( حطيت كوسا وفلفل بارد وبروكلي) لين تنضج اضيف له كريمة طبخ + صلصة باستا امريكان جاردن (traditional) وشوي معجون طماط اقلبهم مع بعض اخلي الصلصة تطبخ شوي عقب اضيف رشة ملح واوريغانو وفلفل مجروش وجبن موزاريلا واضيف المعكرونة ( تكون مطبوخة وجاهزة) واقلبهم مع بعض ..

وبالعااافية
 

حزينة بدنيتي

عضو متميز
المشاركات
1,557
النقاط
113
تفوحين المعكرونة وتخلينها على جنب
تسوين صلصة البشاميل نص قالب زبدة تحمسينه ويه ٣ ملاعق طعام طحين جميع الاستعمالات وتقلبينه شوي عقب ضيفي لتر حليب وشوي ملح وفلفل اسود ومكعب ماجي مع التحريك المستمر لين تغلظ حطي عليها ٣ ملاعق طعام جبن قلاصات ودوريها وخليها على صوب ..

سوي الحشوة حمسي البصل لين يذبل ويصير لونه ذهبي ضيفي له جزر مبشور وفلفل بارد صغار لما يذبل ضيفي له دياي مسحب والو مقطع صغار ومقلي وضيفي الملح والبهارات وشوي معجون طماط وماي وبس خليها تطبخ دقايق وتكون جاهزة

خلطي المعكرونة وصلصة البشاميل عقب سوي الطبقات في البايركس طبقة معكرونة عقب الحشوة عقب معكرونة وعقب جبن سليس ودخليها الفرن لين تجهز
مشكورة حبيبتي ان شاءلله قريبا اطبقها



Sent from my iPhone using mBahrain mobile app
 

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
اللقيمات العجيب


٢٠١٩٠٥٢٥_١٨٥١٣٧.jpg


كوب ونص طحين بالخميرة
ملعقة طعام خميرة
كوب ماي دافي مذوب فيه الخميرة :up:
ملعقة طعام حليب بودرة
ملعقة طعام كاسترد
ملعقة طعام سكر
رشة زعفران

نعجن المكونات باليد عدل ونخليها تتخمر لمدة ٣٠- ٤٥ دقيقة
 

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
قيمة اللحم


نحمس بصل مفروم لين يذبل نضيف عليه فص ثوم مبشور وبعدين الطماط والفلفل بارد (يكون مقطع صغار) لين يذبل أضيف عليه اللحم المفروم ونقلبه وياهم لين يتغير لونه أضيف البهارات والملح ومعجون طماط اقلب المكونات شوي بعدين اضيف شوي ماي واخليه يطبخ بعدين اضيف له نخي أخضر ومكعبات آلو مقلية واقصر عليه اخليه يطبخ على نار هادئة مدة 10-15 دقيقة وبالعافية




111111.jpg
 

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
برياني هندي

٢٠١٩٠٨١٣_١٤١٩٥١.jpg


٢٠١٩٠٨١٣_١٤٢٠٠٤.jpg


٢٠١٩٠٨١٣_١٤١٩٤٨.jpg


الطريقة:-

نقطع صدور الدياي مربعات كبيرة شوي ونتبله بروب + ملح + بهارات مخلوطة ( دارسين مطحون - فلفل اسود - فلفل احمر - كمون - كزبرة - بابريكا - شوي هيل مطحون - كركم - بهارات مخلوطة ) + نعناع مفروم + كزبرة (تابل) مفروم .. ونخليه في التتبيلة أقل شي سااااعه ..

نحمس شرائح بصل لما يذبل نضيف عليه ثوم وزنجبيل مبشور لين تطلع ريحته نضيف عليه الدياي ونقلبه معاهم لين يتغير لون نقصر عليه ونخليه ينضج على نار هادئة ..

لما يستوي الدياي نضيف له شوي معجون طماط ومعجون الكازو ( كازو أبيض مطحون ومخلوط مع شوي ماي ) ..

نخليه يطبخ دقايق ونسكر النار ..

نسوي العيش الأبيض بالطريقة المعتادة ومع المنكهات ( دارسين وهيل صحيح ) ..

نسوي الطبقات في القدر ( عيش - حشوة الدياي - عيش ) لين آخر شي فوق نحط فوق العيش زبدة وزعفران مطحون ونخليه يتنشف على نار هادئة نص ساعه ..

وقت التقديم نزين الوجه بنعناع - كزبرة - بصل مقلي - كازو محمص - زبيب مقلي - بيض مفيوح


وبالعاااافية
 

قمر الهووواشم

عضو متميز
المشاركات
2,581
النقاط
113
الصوور عجييبه تسلم الايادي ويعطيكم الف عافيه
خيو خذاني الشوق ممكن وصفه التتبيله الخضره الا في الغرشه احبها اذ اشتري برياني هندي لازم يعطونا وياه
 

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
الصوور عجييبه تسلم الايادي ويعطيكم الف عافيه
خيو خذاني الشوق ممكن وصفه التتبيله الخضره الا في الغرشه احبها اذ اشتري برياني هندي لازم يعطونا وياه
هلا حبيبتي الله يعافيش

جتني سوس :- روب ونعناع وتابل ورشة ملح وفلفل اسود وفص ثوم وفلفل اخضر حار نخلط كل المكونات مع بعض في الخلاط او محضرة الطعام .. وبس بالعافية
سوس المطاعم يكون اخضر بزيادة يستعملون ألوان اني ماحب احط لون في الأكل
 

خذاني الشوق

مشرفة إبداعات مطبخية، نسائيات، التربية والتعليم
المشاركات
5,018
النقاط
128
٢٠١٩٠٨٢٣_١٣٥٣١٦.jpg



طبخة جميلة ماعرف شنو اسميها مندي ولا بخاري بس هي بين الاثنين:laugh2::joy:

المهم نطبخ اللحم مع بصل وثوم وفلفل بارد وهيل ودارسين ومسمار وورق غار لين ينضج تماماً نشيله عن الماي ونتبله بملح وعصير ليمون وليمون أسود وفلفل أسود وماي ورد وزعفران ندخله الفرن نشويه حق يتحمر ..

نحمس بصل مفروم وبعدين نضيف له ثوم وماجي وبعدين نضيف مروق اللحم (الماي إلي سلقنا فيه اللحم) ورشة بودرة زعفران ونخليه يطبخ بعدين نضيف له العيش ونسويه بنفس طريقة المجبوس ..

نطبخ آلو مع ملح وكركم ولما نشيله نتبله بباريكا وشوي زيت زيتون ونحمره في الفرن ..

والحشوة كانت عبارة عن بصل مفروم نحمسه شوي وبعدين نضيف له طماط وفلفل بارد وشوي بهارات وملح ..

وبس نقدم طبقنا وبالعااااافية
 
المشاركات
82
النقاط
18
السلام عليكم ورحمة الله وبركاته

حبيت اشارك بتطبيقي لصينية البطاطس للعضوة الجميلة خذاني الشوق ❤

وااجد لذيذ الطبق وسهل وسريع كنت قبل اسوي طبق مشابه اليه واكور الالو وكان يتعبني ومكلف نوعا ما
بس طريقتش نفس طعمه بالضبط والذ منه بمرااحل وسريع و غير مكلف يعطيش الف عاافية حبيبتي عالوصفات الجميلة❤❤
 

المرفقات

 
مركز البحرين التجاري غير مسؤول عن أي اتفاق تجاري لا يكون طرفاً فيه. لذا يتحمل الطرفان البائع والمشتري المسؤولية القانونية الكاملة.
يتحمل كل عضو المسؤولية القانونية الكاملة دون مركز البحرين التجاري في أي تعليق ينشره في صفحات المركز وأقسامه.
 
الأعلى