بحث متقدم

زوجي يجبرني شنو الحل

الموضوع في 'الاستشارات الأسرية والاجتماعية' بواسطة قيثارة الروح, بتاريخ ‏27 أغسطس 2018.

  1. قيثارة الروح

    قيثارة الروح عضو

    المشاركات:
    175
    الإعجابات المتلقاة:
    21
    نقاط الجوائز:
    18
    السلام عليكم ..

    احس انه زوجي يجبرني دايما

    مثلا حالياً عايشين في بيت عمي شقه مستقلة فوق ..لكن البيت بينباع وببنون من جديذ بيت يعني يبي له سنتين ونص لثلاث ..

    فيبيني اعيش فييت ثاني وي بيتهم وطبعا مابكون شقه مستقلة لا ... راح يكون لنا حجره او حجرتين منفصلتين مو مثل الشقه وفنفس البيت ونفس الباب المدخل المخرج ولالنا شي مستقل يعني مالنا ستر ابداً اذا دخلنا وطلعنا لازم بشوفون ..ولا عندي مطبخ..
    معنى الصراحه زوجي كريم ومو مقصر علينا ولله الحمد

    بس اني رافضه هذا الشي وقررت نتأجر شقة وبساعده فالايجار رافض وجابرني اعيش في بيت واحد في امه وابوه واخوانه ومرت اخوه والبيت يتكون بس من ٣ غرف وتحت مجلس..

    علماً بانه احترت اعيش وياهم معني اذري ماراح ارتاح او في شقة ..بس سويت خيره على السكن وياهم وطلعت لي نهي وفيها شبهات كثيرة وعصب ليش اسوي خيره!!!!!

    معنى امه للامانه قالت تعالي ويانا بس احنا مانجبرش لانه على راحتش يعني ماجبرتني مسكينه ولا غصبتني مثل ماهو جابرني واني عارفه نفسي صعب ارتاح فبيت جذي مكشوفه على الكل احس ولا عندي مطبخ وهذا شي مهم..


    شي ثاني امبي اطبخ بشكل مستقل لان اكل بيت عمي بعض الاحيان ما يعجبني او ما اكل سمج اذا يسون لا يجبرني اكل معاهم مايرضى اطبخ بروحي يقول خلاص احنا عايشين وياهم ناكل وياهم


    واذا رفضت مره اكل او عن السكن يقول روحي بيت ابوش دايما اذا ارفض شي ماعنده رد الا روحي بيت ابوش هل هذا اسلوب لبق!!!؟



    ممكن آرائكم وحبذا تكون اراء متزنة و لبقة لانه مقرره اذا اكتملت الردود اراويه الموضوع لعل وعسى يقرأ ويتعقل
     

    مواضيع أخرى لكاتب الموضوع

    آخر تعديل: ‏4 سبتمبر 2018
  2. جاري تحميل الصفحة...

    المواضيع المتشابهة في منتدى التاريخ
    الخيانة الزوجية الاستشارات الأسرية والاجتماعية ‏9 نوفمبر 2018
    مشكلتي مع زوجي الاستشارات الأسرية والاجتماعية ‏30 يونيو 2018
    المشاكل الزوجية... خلافات مستمرة والطريق لسبل علاجها.. الاستشارات الأسرية والاجتماعية ‏19 مايو 2018
    مشكلة زوجية الاستشارات الأسرية والاجتماعية ‏8 مارس 2018
    زوجي مضحك و لكنه لا يضحك الاستشارات الأسرية والاجتماعية ‏9 نوفمبر 2017

  3. Is that real ? Oh

    Is that real ? Oh عضو

    المشاركات:
    66
    الإعجابات المتلقاة:
    57
    نقاط الجوائز:
    18
    وعليكم السّلام ورحمةُ اللّهِ وبركاته

    بالبداية اختي اقول مايصير يجبرش لازم يكون مابينكم تودد ومداراة واحترام، والأجمل انكم تكونون يد وحدة وبكل مستويات الظروف.


    نصيحتي لا تستخدمون اسلوب العناد في طرح آرائكم ورغباتكم مع شريك حياتكم، يعني بيني له باسلوب جميل عدم رغبتش فلربما يشعر فيش ويتأثر ولازم اتخاذ القرار تتخذونه بتفكر وتمعن وطرح الامور كلها لحتى يكون في توازن يعني لا انتين تجبرينه ولا هو يجبرش

    وابعدوا الظن السيء والمشاحنات يمكن هو يحب انش وياه شخص واحد مافي فرق ويا أهله مو مسألة إجبار ورفضش يحسسه بالعكس فيصر هو بس مو القصد اجباره لش فعني دورش انش لازم تعرفين مفاتيح قلبه



    اللّٰهْ ييسر لكم ويوفقكم إن شاء اللّٰه


     
    قيثارة الروح و انسية معجبون بهذا.
  4. rjaey

    rjaey عضو متميز

    المشاركات:
    555
    الإعجابات المتلقاة:
    553
    نقاط الجوائز:
    93
    الجنس:
    ذكر
    الامور لازم تنحل بروية بعيدا عن العناد
    اذا تقدروا تسكنوا بشقة اجار افضل من حيث الاستقلالية والسعة في المكان
    مكان واحد ضيق مايصلح للعيش الا اذا مافي حال اخر
    اغلب الناس ساكنة بشقة اجار
    وفي بعضهم يقدر يبني له في بيت الاب لكنه يفضل يسكن بشقة اجار ويشتري راحته
    الشقة اجار فيها سلبيات لكنها اقل وافضل من العيش بحجرة والمطبخ مشترك والطلعة والجية الكل يعرف
     
    classy lady و قيثارة الروح معجبون بهذا.
  5. انثى اكتوبر

    انثى اكتوبر عضو متميز

    المشاركات:
    1,106
    الإعجابات المتلقاة:
    184
    نقاط الجوائز:
    63
    اذا تحسين راتب ريلج زين خليه يطلعج شقه
    لان حسيتج مب حابه وياهم كلش
    مع ان بيكون لج غرفتين معاهم وحسيت شي اوكي
    انا اخواني صح ان تنبني لهم شقق خاصه لهم
    بس الله اعلم احاتي جان ماياخذون حريم ان مايبون ويانا
    مع ان الدرج معزول بروحه ويروح فوق
    واحس اي قد ابوي تعبان قروض والخ
    فيعني قدري اختي
    مافيه شي شهل بهل الزمن وكل شي غالي نار
     
    انسية ،قيثارة الروح و m7md Naeem معجبون بهذا.
  6. m7md Naeem

    m7md Naeem عضو نشيط

    المشاركات:
    314
    الإعجابات المتلقاة:
    152
    نقاط الجوائز:
    43
    ما في حل أفضل من التفاهم بشفافيه بين الطرفين في اي موضوع فيه خلاف سواء بين زوجين أو ربع أو اخوان أو اي طرفين و كل واحد يحترم رأي الثاني و ياخذه بعين الاعتبار و الأهم في نهاية التفاهم كل واحد يجوف الموضوع من زاوية الطرف الثاني مو بس من زاويته هو بعد التفاهم يجوفون الانسب و الأفضل من جميع النواحي مثلا تم الاتفاق انتقال شقه منفصلة ممكن يخل بالميزانية أو المعاش كحل بسيط يكون سعر الشقه اقل حتى لو كانت اصغر من المطلوب في تنازل عن حجمها مراعاه للطرف الثاني مثلا يعني انتو بينكم و بين بعض قعدو و ناقشو نقاط الاتفاق في الموضوع و نقاط الخلاف كل واحد ليش يبي و ليش ما يبي اهم شي في شفافية و بدون مجاملات

    رغم أني مع السكن في مكان مستقل مهما كانت علاقة الزوجة بأهل الزوج و علاقة الزوج بأهل الزوجه من ناحية الزوجة و الزوج تكون لهم خصوصيه تامه في حياتهم من ناحية أمور الحياة اليوميه تربيه الأولاد حياتهم بشكل عام


    Sent from my iPhone using mBahrain mobile app
     
  7. انسية

    انسية موقوف

    المشاركات:
    1,048
    الإعجابات المتلقاة:
    452
    نقاط الجوائز:
    83
    حاولي تعرفين شنو سبب اصراره في السكن المشترك بعيد عن الاستقلالية
    ما يصير كل شيء بالعناد و بالغصب و بقبضه من حديد
    حاولي تسايسينه و لا تصرين عليه و تفتحين الموضوع في اوقات غلط
    هدي الأمور و اعرفي اسبابه بكل هدوء و بدون نقاش حاد
    يمكن يخجل تدفعين للشقة و يخاف ما يقدر يسددها او يتورط ماليا
    او متأثر بفكرة معينة
    بس ما ادري حسيته من النوع الا يحب يجبر الشخص بدون اي تفاهم
    او يمكن يحب يسمع من شخص معين آخر ويقتنع بالفكرة
    يعني مثلا امر ما تكلمينه ما يقبل يجي شخص آخر يقول له على طول يقتنع
    درسي الأمر عدل عدل
    اذا كانت فترة و تعدي و بتعود الحياة افضل مما هي عليه ، التصبر شيء مهم جدا
    والاهم بين الازواج الاحترام و التفاهم يؤدي الى الود و المحبة
    \\
    الصراحة مو حابه اتكلم الكلام الا بقوله و اعتبري كانه ما قلت كلامي لانه ما احب ازيد من الافكت للموضوع بس حابه اعقب على كلمة (روحي بيت ابوش)
    و برأيي شيء كبير المفروض الواحد ما يقولها لانه الرابطة عقد زواج مو عقد ايجار!
    الاستهتار بالكلمات هذي يولد عدم احترام ويضعف روابط المحبة والمودة بين الازواج و عقب يفكك الاسرة و يشتتها لا سمح الله ،الواحد المفروض يجنب لسانه النطق بأشياء تؤدي الى الهلاك يمكن تكون سهله و عادية بس تترك اثر جرحه عميق وهاي حدود العلاقة الزوجية مو حلوة نتجاوزها ،، و التراكمات تخلق مشاكل و ازمات مالها نهاية و تنتهي بالطلاق بعيد الشر عنك ،،
    الاحترام اخليه مرتبة اولى و مو كل شيء امشيه بالاخص شيء يمس علاقتي الزوجية و رابطتها هالشيء مقدس جدا ،، و انتي بعد تحملي تهددين بروح بيت ابوي ، زعلي بس تمي مكانك الا اللهم في الشديد القوي ، و شرعا مأثومة اذا طلعتي مكان بدون استئذان
    خلش حليمة و تجنبي الغضب والله يهدي الجميع
     
    قيثارة الروح و m7md Naeem معجبون بهذا.
  8. قيثارة الروح

    قيثارة الروح عضو

    المشاركات:
    175
    الإعجابات المتلقاة:
    21
    نقاط الجوائز:
    18
    شكراً على الرد والافادة يعطيكم العافيه
     
  9. قيثارة الروح

    قيثارة الروح عضو

    المشاركات:
    175
    الإعجابات المتلقاة:
    21
    نقاط الجوائز:
    18
    احنا اوردي بنرجع نعيش وياهم اذا بنوا بس في شقه منفصله مو نفس احين فنفس البيت ونفس الدخله ونفس الطلعه صعب الوضع شوي
     
  10. قيثارة الروح

    قيثارة الروح عضو

    المشاركات:
    175
    الإعجابات المتلقاة:
    21
    نقاط الجوائز:
    18
    لا اختي ترى كنت عايشه وياهم بس في شقه منفصله واوردي برجع اعيش وياهم اذا بنوا بيتهم ماعندي مشكله .. بس الوضع صعب حالياً لان نفس البيت ونفس المدخل احس صعب جذي مافي ستر وكل شي يشوفونه حتى لو كانوا طيبين وزينين بعد الانسان يحتاج استقلال ذاتي
     
  11. قيثارة الروح

    قيثارة الروح عضو

    المشاركات:
    175
    الإعجابات المتلقاة:
    21
    نقاط الجوائز:
    18

    ((بس ما ادري حسيته من النوع الا يحب يجبر الشخص بدون اي تفاهم
    او يمكن يحب يسمع من شخص معين آخر ويقتنع بالفكرة
    يعني مثلا امر ما تكلمينه ما يقبل يجي شخص آخر يقول له على طول يقتنع))

    بالضبط حسيت فهمتين اللي فبالي
    زوجي جذي احسه اذا اقوله شي مستحيل يقتنع لكن لو اخته او اخوه يقول اي صح بس مادري ليش مايقتنع بكلامي لازم اجيب ادلة وحالة
     
    أعجب بهذه المشاركة انسية
  12. قيثارة الروح

    قيثارة الروح عضو

    المشاركات:
    175
    الإعجابات المتلقاة:
    21
    نقاط الجوائز:
    18
    رغم أني مع السكن في مكان مستقل مهما كانت علاقة الزوجة بأهل الزوج و علاقة الزوج بأهل الزوجه من ناحية الزوجة و الزوج تكون لهم خصوصيه تامه في حياتهم من ناحية أمور الحياة اليوميه تربيه الأولاد حياتهم بشكل عام


    صح لانه علاقتي وي بيت عمي الحمدلله طيبة بس لابد من الاستقلاليه
     
  13. تائهة و مهمومة

    تائهة و مهمومة عضو

    المشاركات:
    76
    الإعجابات المتلقاة:
    67
    نقاط الجوائز:
    18
    الجنس:
    أنثى
    عليكم السلام اختي
    زوجش واجد يحب اهله و بار فيهم و ينحرج منهم واجد
    عنده مثلا لما ما تنزلين تاكلين معناتها هالشي محرج و يفشل و يمكن اهله يسألونه ليش ما نزلت زوجتك
    و هو بالنسبة هذا شي كبير و يستحي يقول ما عجبها الاكل او تعبانه او اي عذر
    يبيش تكونين قدامهم ٢٤ ساعه ملتصقه فيهم و محافظة على الحضور في الوجبات و القعدة وياهم
    اذا شخص بهالطريقه هل تتوقعين ببساطة راح يتقبل انكم تتطلعون مرة وحدة من البيت ؟!
    زوجي كان جدي بالضبببببط
    كل يوم حتى لو مريضه و تعبانه لازم انزل و اتغدى وياهم و مو بس اتغدى لازم المغرب انزل و اقعد وياهم ساعتين اقل شي
    ساعات تكون عندي مشاكل ويه اهلي و مزاجي مقفل
    ساعات عندي امتحانات و نفسيتي تعبانه
    ساعات اتكلم في التلفون ويه صديقتي
    فكان يسوي ليي مثل هالاسلوب
    لما قررنه نشتري بيت قال و اصرررر يبي عند اهله و في نفس المنطقه
    ...
    هالشي زرع بينه مشاكل و صراخ و عصبية لانه كان يتحكم فيني في كل شي
    و يزعل اذا ما طاوعته و يخاصمني

    الحين طبعا ما اجوف بيت عمي الا يوم الجمعه .. ما اقدر انزل خلاص عندي مسؤوليات واجد
    اشتريت بيت عند اهلي لانه امي تجود جهالي
    شلون قدرت اسوي هذا كله ؟
    لانه خلاص عودته و هو تعود
    في مثل قديم .. الولد على ما تربينه و الرجل على ما تعودينه
    مصيره يتعود
    انتين تكلمي وياه و بهدوء و حاولي تقنعينه بس مو بالعناد
    بالنقاش و الهدوء و بيتقبل منش
    ما في شي يجبرش شرعا على هالشي
    مو صلة رحم اهل زوجش
    و مو مجبورة تاكلين كل يوم من عندهم
    زوجي من ضمن الامور الا خلته يقتنع لانه اخته ابدت انزعاجها و قالت جهالكم يزعجوني و ما نرتاح منهم
    و الشغله بعد الثانيه قالت تعبت و اني اطبخ لعائلة وش كبرها
    هالشي خلاه يصدقني و يخليني اتنفس شوي
     
    انسية ،قيثارة الروح و m7md Naeem معجبون بهذا.
  14. انسية

    انسية موقوف

    المشاركات:
    1,048
    الإعجابات المتلقاة:
    452
    نقاط الجوائز:
    83
    فهمت عليه لانه اعرف هالشخصيات :laugh:
    في شخصيات تعتبر الزوجة رايها ما يدش المخ بس احد يقل اله نفس الفكرة يقتنع،،
    في بعضهم يقلل من شأنها و بعضهم يكون قاصد بحسن نية بانها لا تملك خبرة في الحياة فيفضل يستشير و يسمع نفس الفكرة من شخص اكبر او بعضهم يخاف بانها متحسسه من اهله او عندها مشاكل وياهم فيحط باله عليها و يدقق وما يمشي شي و بعضهم يخاف يقولون عنه مكرمه خروف و مرته تمشيه و هالفكرة غلط جى قاعدين في زريبه احنا ؟
    قلتينه امه مو معارضه هالشيء طيب،
    حاولي تلاقين شخص يسمع له
    بس بدون ما يتسبب حساسيه اذا كلمتينه على قولتهم على تصير شرباكه
    مو لازم تجيبين ادلة الاستقلاليه ما يبي ليها كلام
    هوه يبي له بس يقعد بهدوء يفكر و بدون تعنتر
    لا يعتبر كل شيء حرب و لازم اسباب و مسببات و ادلة
    الحياة الزوجية تفاهم مو قوانين محكمة ثابته
    اهم شيء الحفاظ على الود :)
    و هالمشاكل تعكر الصفو و تقلل الود انتبهوا جيدا
    بالتوفيق :rose:
     
    قيثارة الروح و m7md Naeem معجبون بهذا.
  15. انثى اكتوبر

    انثى اكتوبر عضو متميز

    المشاركات:
    1,106
    الإعجابات المتلقاة:
    184
    نقاط الجوائز:
    63
    اي
    ياان تصبرين ياان تطلعين شقه موقت لين ينبني المكان
     
    انسية ،قيثارة الروح و m7md Naeem معجبون بهذا.
  16. ali_77_moon

    ali_77_moon عضو جديد

    المشاركات:
    25
    الإعجابات المتلقاة:
    18
    نقاط الجوائز:
    3
    الجنس:
    ذكر
    مو أسلوب دا تره دا نوعية من رجال مع إحترامي يعني من نوع ال يجبر بس مو بتعنيف لا يخليك في خيارين لاةثالث لهما أما كذا أما كذا ودا الحل ماله بداريه مثلا ؟ السؤال إلى متى؟
     
    انسية و قيثارة الروح معجبون بهذا.
  17. ali_77_moon

    ali_77_moon عضو جديد

    المشاركات:
    25
    الإعجابات المتلقاة:
    18
    نقاط الجوائز:
    3
    الجنس:
    ذكر
    الكلام ما منه فايدة لأن من حق الزوجه سكن منفصل هاي أكلم من ناحيه شرعيه وغصبن عن الرجال يوفر هشي لين مو قد زواج الشخص لا يتزوج صح في تنازلات في بعض الأشياء وتكون محدوده طبعا ولكن الحقوق واضحة كلش ما يحتاج توضيح ودا سنتين يعني ما بتترقعين كلش أن وافقتين ف بدايه احسن بتنحكرين حكره ما منها حكره
     
    انسية و قيثارة الروح معجبون بهذا.
  18. Is that real ? Oh

    Is that real ? Oh عضو

    المشاركات:
    66
    الإعجابات المتلقاة:
    57
    نقاط الجوائز:
    18
    جربي قولي له سلبيات وايجابيات الموضوع وكمثال تقولين:

    _ لو قعدنا بالمكان وياهم يمكن تقل المودة فيما بينا لاني مابكون مرتاحة، او حتى اهلك علاقتي وياهم ماتكون مريحة وبظل في قلق وتوتر.

    _ وبالعكس نخلي مسافة فيما بينا ويا اهلك حتى نحافظ على الود فيما بينا وياهم، ويمكن هم نفسهم ماياخذون راحتهم احنا الحين كبرنا ما اظن وجودنا بيكون محبذ او مريح لبعضهم ومايقدرون يصرحون، مهما كان. وانت كانك بهالتصرف تجبرهم حتى هم على قبولنا ومابيقولون لا لانهم اهلك.


    ...


    اللّهُمَّ صَلِّ وَسَلِّمْ على مُحَمَّدٍ وآلِ مُحَمَّد وَعجِّل فرجهم
     
    آخر تعديل: ‏30 أغسطس 2018
    انسية و قيثارة الروح معجبون بهذا.
  19. Is that real ? Oh

    Is that real ? Oh عضو

    المشاركات:
    66
    الإعجابات المتلقاة:
    57
    نقاط الجوائز:
    18


    & اهم نقطة حافظوا على كتمان هالمواضيع خلوها فيما بينكم تماما وان شاء اللّٰهْ مايصير إلا الخير


    واتوقع في القريب تجين تقولين لينا طلعتين بشقة بروحكم إن شاء اللّٰهْ


    يعني مجرد سايسيه الرجال حاولي باسلوبش مو باسلوب منفر يعني مرات قولي له اذا بنروح وياهم مابعرف اطبخ مستحيل وما ارضى وانت ماترضى تخلي المسئولية عليهم ومو حلوة كل يوم والثاني قدامهم طالبين لينا اكل لازم بنحتاج نعزمهم ومابنقدر لانه مو يوم ولا يومين...



    والسلآم مسك الختآم



     
    انسية و قيثارة الروح معجبون بهذا.
  20. بنت-الاسلام

    بنت-الاسلام عضو نشيط

    المشاركات:
    389
    الإعجابات المتلقاة:
    231
    نقاط الجوائز:
    43
    طبعا كلام الاعضاء مهم وحاولي ولكن اللي يبي اهله ماضنتي يوافق بسرعة
    مو تحبيط اعرف كذا وحدة حاولت مع زوجها يطلعون ما يرضون لان مرتبطين بيهم
    ارتباط كلي ولا كأن تزوج والمفترض يستقل هاي فئة الله المستعان عليهم
    وبعدين ماايد تراوينة الموضوع في كلام وكلمات
    بقولش قصوو عليش دلين موفقين
     
    انسية و قيثارة الروح معجبون بهذا.
  21. بنت-الاسلام

    بنت-الاسلام عضو نشيط

    المشاركات:
    389
    الإعجابات المتلقاة:
    231
    نقاط الجوائز:
    43
    في ناس عدهم مو مهم كل هذا ولا يفتكرون لا نمسافة ولا غيره
    اهم شي يسكن عدهم وهو لو موشايفنهم مشجعينه ما قعد وغصبها
     
    أعجب بهذه المشاركة انسية

مشاركة هذه الصفحة

 
آخر المواضيع
 
 
153 يوم 
997 
شريك الحياة
شريك الحياة
شريك الحياة
شريك الحياة
شريك الحياة
شريك الحياة
شريك الحياة