[معلومات] حق كل اللي يبي يشتغل برع البحرين في الخليج او اي دولة اجنبية بنسوي مجموعة متفقة وبنروح

d]d]

عضو
المشاركات
95
النقاط
8
السلام
حق كل اللي يبي يشتغل برع البحرين في الخليج او اي دولة اجنبية امريكا او اوروبا وغيرها بنسوي مجموعة متفقة ومتعاونة وبنروح وموشرط نشتغل مع بعض لان في ناس تحب تروح مجموعة اللي الله بيكتبه بيصير مجموعة او كل واحد بروحه, اي واحد يبي يشتغل برع او يعرف اشغال برع اخليها في الموضوع علشان انشوفها وانسق وانروح
وانا اعرف اشغال واجد في الخليج وغيرها بس خلني اشوف بعد الناس اللي تبي تروح
ارجوا التفاعل والنشر لتعم الفائدة
شكرا
 

صارة22

عضو نشيط
المشاركات
526
النقاط
28
لو مو اللغه فلونت وادرس انجلينزي ليل نهار و بلبل ماشاء الله جان انا اول وحده اروح:joy:
 

d]d]

عضو
المشاركات
95
النقاط
8
لو مو اللغه فلونت وادرس انجلينزي ليل نهار و بلبل ماشاء الله جان انا اول وحده اروح:joy:
مع اني مافهمت عليش عدل بس مولازم انجليزي في شركات عربية والتعامل مع عرب
اذا كنتين جادة تبين تشتغلين حتى لو اعمال حرة ارسلي رقمش واتواصل معاش وانشوف شنو النتيجة اللي ممكن نطلع فيها
شكرا على المرور
 

صارة22

عضو نشيط
المشاركات
526
النقاط
28
مع اني مافهمت عليش عدل بس مولازم انجليزي في شركات عربية والتعامل مع عرب
اذا كنتين جادة تبين تشتغلين حتى لو اعمال حرة ارسلي رقمش واتواصل معاش وانشوف شنو النتيجة اللي ممكن نطلع فيها
شكرا على المرور
اها يعني مولازم انجلينزي زين شنوو الشهادات المطلوبة؟
 

StGaS

عضو
المشاركات
42
النقاط
8
اذا في اي ابديت على المضوع ترى انا جاهز حتى شنطتي جاهزه:joy:

وهاي رقمي كلمني عليه اي وقت 66642333
 

وردة نايس

مراقبة عامة
المشاركات
2,987
النقاط
148
فكرة رائعة ولكن حتى خارج البحرين الفرص قليلة اغلب الوظائف الأولوية في التوظيف للمواطنين .. على العموم مبادرة جيدة والله يرزق الجميع الوظيفة المناسبة سواء في البحرين او في الخارج .
 

انسية

موقوف
المشاركات
1,048
النقاط
83
الإخوة الأعزاء
حطوا في بالكم السفر الى بلدان غير عربية يتطلب شروط صعبة من ضمنها لغة ممتازة جدا
و وقت طويل علما يقبلون مليون سؤال و طلب و متطلب
بالنسبة لدول الخليج الاولوية الى مواطنيها و جربت كذا مرة اقدم كلش ما في تجاوب
و حتى لو رحت سافرت لهم ما اتوقع بحصل لانهم يا دوب يوظفون ابناء بلدهم
فكان الله بعون الجميع
\\
شروط وظائف وزارة التربية في الكويت تطلب خبرة و احنا ما توظفنا من وين الخبرة؟
file:///C:/UsersDownloads/MOE_img20180412_0010.pdf
\\
وزارة التربية سلطنة عمان تواصلت معاهم انستغرام و طلعت التقديم لازم حضور شخصي و الاولوية للعمانيين ، و العمانيين مثلنا عاطلين عندهم
\\
قطر الموقع ما يعمل عندي على الرغم من تسجيلي مسبقا فيه
\\
الامارات شروطها اصعب واصعب لازم خبرة و اشياء معقده
 
آخر تعديل:

صارة22

عضو نشيط
المشاركات
526
النقاط
28
الإخوة الأعزاء
حطوا في بالكم السفر الى بلدان غير عربية يتطلب شروط صعبة من ضمنها لغة ممتازة جدا
و وقت طويل علما يقبلون مليون سؤال و طلب و متطلب
بالنسبة لدول الخليج الاولوية الى مواطنيها و جربت كذا مرة اقدم كلش ما في تجاوب
و حتى لو رحت سافرت لهم ما اتوقع بحصل لانهم يا دوب يوظفون ابناء بلدهم
فكان الله بعون الجميع
\\
شروط وظائف وزارة التربية في الكويت تطلب خبرة و احنا ما توظفنا من وين الخبرة؟
file:///C:/UsersDownloads/MOE_img20180412_0010.pdf
\\
وزارة التربية سلطنة عمان تواصلت معاهم انستغرام و طلعت التقديم لازم حضور شخصي و الاولوية للعمانيين ، و العمانيين مثلنا عاطلين عندهم
\\
قطر الموقع ما يعمل عندي على الرغم من تسجيلي مسبقا فيه
\\
الامارات شروطها اصعب واصعب لازم خبرة و اشياء معقده
البلدان الاجنبية فعلا صعبة الشرط ع العمر و اللغه و سنوات الخبرة و الشهادة و خبرة بنفس الدولة بعد من حيث التعامل وثقافه خصوصا كندا..
لكن الخليج والدول العربية مثل :

الكويت...مثلا في ناس حصلوا مبتعثين خلصوا دراسة( غير كويتيين ) اردن مصر اشتغلوا بفترة قصيرة حوال السنة انتظروا بس بنسبه لباقي الدول ومتطلباتهم فقط بكالريوس و انجلينزي و يفضل خبرة قصيرة.....

الامارات ....اعرف ناس ساكنين من زمان اقل خبرة هناك 3 الى 5 وانجلينزي مهمة خصوصا بدبي وكانها لغه رسمية ثانية للبلد وتعتبر يا بلاش الخبرة ام 3-5 سنوات يبون اكثر حوال 15 حلو هناك بس رواتبهم احسن .....صعبة شوي لامارات الي ماعنده فلوس او معارف يفكر قبل لايروح لاينام بسيارته بسببه الايجارات بس لكل مجتهد نصيب اقبل باي شي بالبداية بعد تدريب وخبرة عمل جم سنة راح تربح بس راح تحصلون شغل ...

قطر ...نسبه البطالة الاقل خليجيا و لي راحوا توظفوا بسرعة نقلوا قشهم خصوصا بحرينيين و رواتب وسط يعني الواحد ميسور شوي يصير محد يشتكي .....

عمان....فيها بطاله وكثير من العمانين اعمال حرة واكشاك توصيل بيع تشبه البحرين لحد كبير مافي فرق ترة .....




هذي الي اقدر افيدكم فيه الاكيد غيره مااعرف...
 

zeroo

عضو
المشاركات
41
النقاط
8
المشكله صج البلدان الأجنبيه واايد صعب لأن لازم لغه وأحنا لغتنا مو كلش تماام آنه لو لغتي تماام جان من زمان رحت كندا وجان جفت لي وحده تروح وياي كندا ونكون مع بعض حتى فكرت أن لو آنه ووحده ندفع نتقاسم الأيجار لكن صعب برع
بالخليج أهون لأن ع الأقل دول عربيه ولو ع الإيجار نقدر مثلا البنات نتفق مع بعض أن نجوف شقه من 3 حجر أن كنا 3 بنات ونتقاسم الإيجار ونفس الشي للشباب وإن مثلا المطبخ نقدر نقسم المجرات كل وحده وين تحط أغراضها ونقدر نتقاسم بعض الاشيا مثل الغسالات وهالسوالف كمشتريات أو وحده تاخذ غساله ووحده ثلاجه أن ما كان في وجي وبيكون الوضع أحسن آنه وايد أفكر بهالشي وخاصه بالدول الأوربيه وحتى قلت بضطر أنزل لي البرامج ألا أتكلم مع أجانب وأطور من اللغه وياهم لين ما احسن من اللغه ومنها وأيمع هني حق التذكره وغيرها ومن يصير لغتي تمام أسافر بس المشكله ماحب بروحي حلاته مع بنات عشان نكون مع بعض
 

zeroo

عضو
المشاركات
41
النقاط
8
إذا عندكم قروب وفيه أوادم ممكن أدخل وياكم عشان أبي يصير عتدي كبدايه وعشان ما أتوهق بالبدايه أبي أحصل مبلغ محترم من هني عشان أروح البلده الثانيه ومنها يكون أموري بالبدايه تمام ومنها اجوف إذا احد اشتغل برع خلوه بالقروب عشان نكتسب خبره منهم ومنها أطور روحي بالأنج لأن وايد أفكر بدول برع بيكون أحسن من الخليج
 

d]d]

عضو
المشاركات
95
النقاط
8
مشكورين على الردود
كلامكم صحيح وهذا اللي اشوفه بعد
معلومات:
- الدول الاجنبية في شركات عربية فاللغة مولازم وللمحتاج فقط لان الوظائف عمالية يعني مثل العامل
- دول الخليج تقدم فيهم والتوفيق من رب العالمين
بس انا كل بفكر ان في تفاعل والناس تبي تشتغل بس ليش ما اكون في تفكير لدخول البزنز مثلا او مشروع واكون في تعاون بين الاعضاء اللي عنده سيولة من صوب واللي عنده مشروع او فكرة من صوب واللي عنده مهارة من صوب واكون في تعاون وتفاعل مثل القروب علشان انسوي شغل
 

zeroo

عضو
المشاركات
41
النقاط
8
مشكورين على الردود
كلامكم صحيح وهذا اللي اشوفه بعد
معلومات:
- الدول الاجنبية في شركات عربية فاللغة مولازم وللمحتاج فقط لان الوظائف عمالية يعني مثل العامل
- دول الخليج تقدم فيهم والتوفيق من رب العالمين
بس انا كل بفكر ان في تفاعل والناس تبي تشتغل بس ليش ما اكون في تفكير لدخول البزنز مثلا او مشروع واكون في تعاون بين الاعضاء اللي عنده سيولة من صوب واللي عنده مشروع او فكرة من صوب واللي عنده مهارة من صوب واكون في تعاون وتفاعل مثل القروب علشان انسوي شغل
يعني في أماكن بالدول الأجنبيه ما تحتاج لغه أجنبيه .؟! هاي ألا فهمته صراحهه ..!!
دول الخليج بروحه أحس فيهم بطاليه وغيره فمادري
البزنز يبي له رأس مال وإذا الواحد ما يشتغل من وين له آنه أوردي أشتغل الحمدلله وعندي معاش وأفكر بمشروع لكن مادري صراحه يعني لو فكرت بمطعم أحنا البحرين في وااااايد عندنا مطاعم صراحه ولكن يبي له بعد مبلغ ومب صغير ألا إذا مطعم يكون صغير ويكون فيه عاملين أو 3 عاملين بالكثييير وفكر أن معاش العاملين الأجانب كل واحد 150 دينار وإذا نحتاج مثلا بس 3 عاملين أو 4 بيكون 2 بالمطبخ بحيث لو واحد أخذ اجازة موجود الثاني من بداله ونفس الشي للي برع حق ألا ياخذ أوردر والكيشر فيبي له 600 دينار لمعاشهم بس
فمادري آنه قاعده أفكر بشي ما يبي له واايد راس مال
 

d]d]

عضو
المشاركات
95
النقاط
8
يعني في أماكن بالدول الأجنبيه ما تحتاج لغه أجنبيه .؟! هاي ألا فهمته صراحهه ..!!
دول الخليج بروحه أحس فيهم بطاليه وغيره فمادري
البزنز يبي له رأس مال وإذا الواحد ما يشتغل من وين له آنه أوردي أشتغل الحمدلله وعندي معاش وأفكر بمشروع لكن مادري صراحه يعني لو فكرت بمطعم أحنا البحرين في وااااايد عندنا مطاعم صراحه ولكن يبي له بعد مبلغ ومب صغير ألا إذا مطعم يكون صغير ويكون فيه عاملين أو 3 عاملين بالكثييير وفكر أن معاش العاملين الأجانب كل واحد 150 دينار وإذا نحتاج مثلا بس 3 عاملين أو 4 بيكون 2 بالمطبخ بحيث لو واحد أخذ اجازة موجود الثاني من بداله ونفس الشي للي برع حق ألا ياخذ أوردر والكيشر فيبي له 600 دينار لمعاشهم بس
فمادري آنه قاعده أفكر بشي ما يبي له واايد راس مال
رسلت خاص
 

Mikealpha

عضو جديد
المشاركات
7
النقاط
3
صباح الخير يا اخوان

الموضوع جدا شيق , و شي اشجع الشباب و البنات دايم عليه , انا قضيت اخر سنتين من عمري اخد خبرتي من خارج البحرين , و الحين افكر في اقامة اطول مع عمل في دولة ثانية , الموضوع كله في سقف المتطلبات الفردية , في كندا مثلا , الشعب هناك ياخد على قد احتياجه , يعني ان دش السوبر ماركت ما بياخد غير الي يحتاجه و نادرا ما يروحون ستاربكس و سينما و يصرفون نفسنا , و اكثريتهم هناك يشتغلون وظيفتين , هاي اكلمك عن كندا , في المقابل عندهم حياة و مدخول جيد و نظام ادخار او سيفينج , الي باوصله ان صحيح اهي خطوة جريئة بس كبيرة بنفس الوقت , اجوف اغلبية التعليقات تتكلم عن " المشاكل " , لا يا اخوان , ترى مافيها مشاكل انما تحديات , و وين ما راح تسعى في اي مجال راح تلاقي تحديات.

بخصوص اللغة , من الاخر , ما عندك لغة انجليزية عيل لا تفكر تطلع ولا مكان , لغة عالمية مطلوبة في اي دولة , فاستثمر بنفسك و وقتك و تعلم اللغة و خد الخطوة الاولى , مشوار ال الف ميل يبتدي بخطوة , و يوم بيوم راح تجوف روحك متمكن , موضوع جدا حميل و اتمنى التوفيق للجميع
 

zeroo

عضو
المشاركات
41
النقاط
8
صباح الخير يا اخوان

الموضوع جدا شيق , و شي اشجع الشباب و البنات دايم عليه , انا قضيت اخر سنتين من عمري اخد خبرتي من خارج البحرين , و الحين افكر في اقامة اطول مع عمل في دولة ثانية , الموضوع كله في سقف المتطلبات الفردية , في كندا مثلا , الشعب هناك ياخد على قد احتياجه , يعني ان دش السوبر ماركت ما بياخد غير الي يحتاجه و نادرا ما يروحون ستاربكس و سينما و يصرفون نفسنا , و اكثريتهم هناك يشتغلون وظيفتين , هاي اكلمك عن كندا , في المقابل عندهم حياة و مدخول جيد و نظام ادخار او سيفينج , الي باوصله ان صحيح اهي خطوة جريئة بس كبيرة بنفس الوقت , اجوف اغلبية التعليقات تتكلم عن " المشاكل " , لا يا اخوان , ترى مافيها مشاكل انما تحديات , و وين ما راح تسعى في اي مجال راح تلاقي تحديات.

يعني جم يكون المعاشات بكندا تقريباً إذا بشتغل هناك ..؟!

بخصوص اللغة , من الاخر , ما عندك لغة انجليزية عيل لا تفكر تطلع ولا مكان , لغة عالمية مطلوبة في اي دولة , فاستثمر بنفسك و وقتك و تعلم اللغة و خد الخطوة الاولى , مشوار ال الف ميل يبتدي بخطوة , و يوم بيوم راح تجوف روحك متمكن , موضوع جدا حميل و اتمنى التوفيق للجميع

آنه حالياً بالوقت الحالي قلت بطور من لغتي الإنج وهالسوالف وبعدين أفكر أشتغل وأحتمال كبير أن أشتغل بكندا فإذا ماعليك أمر ممكن تخبرني شنو الأشيا الا واجهتها وشنو الأشيا المهمه الا تحس تقولها لنا عشان نحط ببالنا غير اللغه ..؟!
تعليقي كله بالأقتباس ممكن جواب وشكراً
 

Alieco

عضو
المشاركات
154
النقاط
18
السلام عليكم جميعا.... الله يوفقكم جميعا انشاءالله.... فكرتكم حلوه والله ييسر اموركم... بس كل واحد قبل ما يخطي هالخطوه يحط له خطه تكون فترتها قصيره يكون نفسه ويرجع بين أهله ترى الغربه وجع وانا واحد من الي يشتغلون برى صار لي ست سنوات واتمنى ارجع اليوم قبل باجر... تقبلو مروري وبالتوفيق
 

d]d]

عضو
المشاركات
95
النقاط
8
السلام عليكم جميعا.... الله يوفقكم جميعا انشاءالله.... فكرتكم حلوه والله ييسر اموركم... بس كل واحد قبل ما يخطي هالخطوه يحط له خطه تكون فترتها قصيره يكون نفسه ويرجع بين أهله ترى الغربه وجع وانا واحد من الي يشتغلون برى صار لي ست سنوات واتمنى ارجع اليوم قبل باجر... تقبلو مروري وبالتوفيق
ملاحظة:قلت فكرتكم وجمعتنا كلنا والمفروض تقول عني ان فكرتي انا لان صاحب الموضوع :)
خبرنا عيل وفيدنا اي دولة وفرص العمل موجودة وتعرف او ماتحب تفيدنا؟؟
 

d]d]

عضو
المشاركات
95
النقاط
8
صباح الخير يا اخوان

الموضوع جدا شيق , و شي اشجع الشباب و البنات دايم عليه , انا قضيت اخر سنتين من عمري اخد خبرتي من خارج البحرين , و الحين افكر في اقامة اطول مع عمل في دولة ثانية , الموضوع كله في سقف المتطلبات الفردية , في كندا مثلا , الشعب هناك ياخد على قد احتياجه , يعني ان دش السوبر ماركت ما بياخد غير الي يحتاجه و نادرا ما يروحون ستاربكس و سينما و يصرفون نفسنا , و اكثريتهم هناك يشتغلون وظيفتين , هاي اكلمك عن كندا , في المقابل عندهم حياة و مدخول جيد و نظام ادخار او سيفينج , الي باوصله ان صحيح اهي خطوة جريئة بس كبيرة بنفس الوقت , اجوف اغلبية التعليقات تتكلم عن " المشاكل " , لا يا اخوان , ترى مافيها مشاكل انما تحديات , و وين ما راح تسعى في اي مجال راح تلاقي تحديات.

بخصوص اللغة , من الاخر , ما عندك لغة انجليزية عيل لا تفكر تطلع ولا مكان , لغة عالمية مطلوبة في اي دولة , فاستثمر بنفسك و وقتك و تعلم اللغة و خد الخطوة الاولى , مشوار ال الف ميل يبتدي بخطوة , و يوم بيوم راح تجوف روحك متمكن , موضوع جدا حميل و اتمنى التوفيق للجميع
فيدنا عن الدولة اللي انت فيها وفرص العمل الموجودة اذا ماعليك امر
 
 
مركز البحرين التجاري غير مسؤول عن أي اتفاق تجاري لا يكون طرفاً فيه. لذا يتحمل الطرفان البائع والمشتري المسؤولية القانونية الكاملة.
يتحمل كل عضو المسؤولية القانونية الكاملة دون مركز البحرين التجاري في أي تعليق ينشره في صفحات المركز وأقسامه.
 
الأعلى