بحث متقدم

جاوبوني عمليه تكميم المعدة ضروررري

الموضوع في 'جاوبني !' بواسطة تسبيحة الزهراء, بتاريخ ‏11 يوليو 2019.

  1. تسبيحة الزهراء

    تسبيحة الزهراء عضو نشيط

    المشاركات:
    532
    الإعجابات المتلقاة:
    88
    نقاط الجوائز:
    28
    سلام عليكم
    بغيت استفسر عن دكاتره بايران حق عملية تكميم معدة ؟؟؟؟(لقرار نتيجه لعدم نزول الوزن بالرياضه وووو)
    1-وين تنصحوني اسوي العملية في اي بلد(ايران -الاردن ....)
    2-شنو ترتيبات للعمليه
    3-احد او تعرفون احد سوااها (تجاربكم مع ذكر اسم الدكتور والمشفى وشوية تفاصيل عنها )
    4-بعد العميله كيف تحسوون هل نزل الوزن غذي النظر عن اتباع حميه لازم بعد العمليه -كشهية لقصد)
    5-التكلفه كم عمليه-مصاريف (كم يوم تاخد ليها العمليه)
    6-اللي سوااها اتمنى يذكر لي تفاصيل مع اسم الدكتور او عنوان

    يعطيكم الف عافية
     
  2. جاري تحميل الصفحة...

    المواضيع المتشابهة في منتدى التاريخ
    الماس و مسرح جاوبوني تكفون جاوبني ! ‏8 مارس 2019
    جاوبوني العجانة والرقراقة جاوبني ! ‏20 فبراير 2019
    جاوبوني اساسيات اللغه العربية جاوبني ! ‏24 يناير 2019
    جاوبوني رقم تلفون مصطفى سكراب جاوبني ! ‏2 ديسمبر 2018
    وزاره الاسكان ووزاره الكهربااااااااء جاوبوني جاوبني ! ‏25 نوفمبر 2018

  3. Hussain93dx

    Hussain93dx عضو

    المشاركات:
    48
    الإعجابات المتلقاة:
    11
    نقاط الجوائز:
    8
    عليكم السلام

    رفيق اخوي سوى تكميم في مستشفى السلمانية وسيدة مات قتلوه الملاعين
    الله يرحمه كان خوش رجال
     
  4. تسبيحة الزهراء

    تسبيحة الزهراء عضو نشيط

    المشاركات:
    532
    الإعجابات المتلقاة:
    88
    نقاط الجوائز:
    28
    الله يرحمه اخي وعظم الله اجرك
    بالسلمانيه كل شي معقول وناس كتيرة راحت تحت ايدهم


    العمليه بسويها برا البحرين عكلا الحالتين سبحان الله اذا الله كاتب شي بصير الحمدالله عكل حال اخي
     
  5. Dana_1988

    Dana_1988 عضو متميز

    المشاركات:
    3,628
    الإعجابات المتلقاة:
    2,888
    نقاط الجوائز:
    113
    الجنس:
    أنثى
  6. عاشق الكالسيوم

    عاشق الكالسيوم عضو متميز

    المشاركات:
    438
    الإعجابات المتلقاة:
    379
    نقاط الجوائز:
    63
    الجنس:
    ذكر
    سوي عند دكتور علي ميرزا في البحرين اضمن
     
  7. عبدالرحمن

    عبدالرحمن عضو متميز

    المشاركات:
    3,282
    الإعجابات المتلقاة:
    59
    نقاط الجوائز:
    48
    الجنس:
    ذكر
    الصراحة العملية اتخرع
     
  8. سونامية

    سونامية عضو متميز

    المشاركات:
    608
    الإعجابات المتلقاة:
    429
    نقاط الجوائز:
    63
    الجنس:
    أنثى
    ما ابغى اخوفش خيوو بس اعرف اثنين عملوها بالسلمانية واحد منهم مات والثاني اكو مرقد بالسلمانية صار له شهور صادته مضاعفات..
    انصش تروحين لاخصائية تغدية تساعدش صح العملية في يوم وليلة تضعفين عكس الرجيم والرياضة تعب بس التعب افضل من الشي السهل الغير مضمون..
     
  9. BuYousif

    BuYousif عضو نشيط

    المشاركات:
    587
    الإعجابات المتلقاة:
    191
    نقاط الجوائز:
    43
    وعليكم السلام ورحمة الله وبركاته

    أختي العمليه بإختصار قطع جزء كبير من المعده وفيه هرمون مسؤول عن الجوع والشبع بعد العمليه يصير حتى بعلبة روب ما تتعدى ال 80 سعره والجسم يحتاج كميه كافيه من السعرات صعب كلش يوصلها المتكمم، اغلبية المتكممين في البدايه يآخذون مكملات غذائيه ويميلون للحلويات لأنها صغيره وعاليه بالسعرات لكنها عاليه بالسكر والانسولين راح يتصرف وبالنهايه ما استفدنا شي، المتكمم مجرد يجبر نفسه ما يآكل ويجبر نفسه يشبع بأقل كميه ممكنه مهما كان مصدرها واحتمال كبير بعد فتره يرجع الوزن يزيد لإن المعده تتمدد وتكبر ومادامت العادات الغذائيه ما تغيرت النتيجه ما بتتغير

    عن نفسي سابقاً كانت عندي زياده حول ال 25 كيلو ونزلتها بالتغذيه وضليت محافظ لفتره طويله لكني رجعت بعدين لعاداتي نفسها واخس ووصلت لاكثر من 100 كيلو يعني زياده أكثر من 30 كيلو ونسبه كلش كبيره من الدهون لكني رجعت مره ثانيه للتغذيه الصح

    آكل وقت اللي اجوع ولحد الشبع وبدون لا احسب الكميات ولا شي مجرد بعض الاطعمه مبتعد عنها وخلال فتره بسيطه نزلت نزول جيد أكثر من 3 كيلو دهون أتكلم عن فتره ما توصل حتى اسبوعين والنفسيه عال العال لكن النظام اللي اتبعه الاغلبيه معارضينه لكن الحمدلله من اول ما عرفته من قبل 7 سنين وانا اتبعه على فترات وتعالجت فيه من مشاكل صحيه ودائماً يكون خياري الاول اذا فكرت انزل وزني او اذا صارت عندي اي مشكله بالمعده مثل الحموضه، النظام هو نظام الدكتور حسين دشتي والحين هابين فيه بإسم الكيتو مع ان نظام دشتي أشمل ومتكامل يبدأ من الصفر لين يوصل الشخص لنظام حياة طبيعي فيه كل الاصناف لإن الكيتو الاساسي صعب لشعوب اعتمادها الاساسي على الكربوهيدرات

    وعندي تعليق بسيط بالنسبه لعدم نزول الوزن بالرياضه، الرياضه عمرها ماكانت اساسيه لتنزيل الوزن انا عن نفسي كنت واحد حدي كسول مجود الكرسي وقاعد وآكل وعادي آكل وسيده انام وبعد نزل وزني، بعدين صرت اهتم بالرياضه عشان ابني كتله عضليه وعشان اللياقه والمرونه والقوه والصحه بشكل عام بس مو معتمد عليها لحرق الدهون، لا تبنين عليها آمال لإن الاساس لحرق الدهون التغذيه

    بعطيش اكثر حسابين اثق فيهم يمكن تستفيدين منهم

    هذا الحساب واحسن حساب يشرح الكيتو وآتكنز والآتكنز قريب من دشتي
    https://www.instagram.com/kitonediet/

    وهذا الحساب لشخص خسر نسبه كبيره من وزنه بالدايت وضد التكميم
    https://www.instagram.com/fit.mohd/

    نظامه حالياً الصيام والمرونه مدموجين وي بعض
     
    سونامية و وردة نايس معجبون بهذا.
  10. شجرة الحياة

    شجرة الحياة عضو متميز

    المشاركات:
    4,269
    الإعجابات المتلقاة:
    3,733
    نقاط الجوائز:
    113
    الجنس:
    أنثى
    اعرف واجد ناس مسوين تكميم
    ٣ منهم رجعوا مثل ماكانو ويمكن ازيد بعد

    والباقي للحين لانهم حديثين يمكن يعني ولكن استغفرالله اشكالهم غلط صايرين لان هم طبيعة جسمهم مليان حتى بشرتهم صايرة سودة ومبقعه وجوههم مادري شلون


    روحي حق اخصائي تغذية لان الرياضه بدون نظام غذائي ماتنفع

    وترى حتى التكميم ماينفع
     
  11. وردة نايس

    وردة نايس مراقبة عامة

    المشاركات:
    2,985
    الإعجابات المتلقاة:
    943
    نقاط الجوائز:
    148
    الجنس:
    أنثى
    وعليكم السلام ورحمة الله وبركاته

    اعرف 3 نساء ورجل سووها في البحرين ونجحت ويشعرون بالفرح والرضا مقارنة عن السابق ...

    من بعد العملية مباشرة يفقدون اكثر من 30 كيلو ومن ثم يكون نزول الوزن تدريجي وبشكل شهري ويحتاجون متابعة مع الدكتور واشعة وفحوصات خصوصا في السنة الاولى مابعد العملية والاكل يكون شي بسيط بسرعة يشبعون وفي نفس الوقت بسرعة يشعرون بالجوع وتكون تغذيتهم مقسمة لعدة وجبات صغيرة خلال اليوم .

    مااعرف اسماء الاطباء او تفاصيل اخرى بس بذكر لك المستشفيات الي سوو فيها العملية :

    - مستشفى البحرين التخصصي .
    - مستشفى حمد الطب الخاص .
    - مستشفى السلمانية .

    وفي كل الاحوال العملية خطيرة ويظلون فترة في العناية وعلاج تأهيلي على مايرجعون لحياتهم الطبيعية .. والي عنده امراض مسبقة هم الاقرب للوصول لحالات الوفاة .

    بالنسبة للعلاج في الخارج ماسمعت احد سوه تكميم في ايران! الاردن مااعرف تجارب نجحت الي اعرفه حالات فشلت ومصيرهم الموت الله يرحم موتى المؤمنين والمؤمنات والمسلمين والمسلمات .

    فبإختصار كلما الواحد اعتمد على نفسه في خسارة الوزن بتصحيح نظام التغذية والرياضه افضل بكثير من عناء العمليات الجراحية والاستسلام .. حلو لما الواحد يتحدى نفسه ويوصل لأهدافه بكون اكثر ثقة بنفسه وبقدراته وفي ذات الوقت آثار جانبية اقل .
     
    أعجب بهذه المشاركة whitebirdbh
  12. Hussain93dx

    Hussain93dx عضو

    المشاركات:
    48
    الإعجابات المتلقاة:
    11
    نقاط الجوائز:
    8
    اذا الواحد عنده إرادة يقدر ينزل من وزنه وحتى الي يدخن اذا كان عنده إرادة قوية راح يقدر يقطع التدخين
     
  13. صارة22

    صارة22 عضو نشيط

    المشاركات:
    458
    الإعجابات المتلقاة:
    33
    نقاط الجوائز:
    28
    الجنس:
    أنثى
    روحي محمد خريس الاردن فنانة كويتية سوت عنده وسعره معقول لا تسوين قص تكميم سوي
    ضعفت وايد
     
  14. BuYousif

    BuYousif عضو نشيط

    المشاركات:
    587
    الإعجابات المتلقاة:
    191
    نقاط الجوائز:
    43
    تنصحينها تروح ليه بس على اساس فنانه كويتيه سوت عنده ؟
    الفنانه اصلاً ما بتشارككم يومياتها ولا بتشارككم مشاكل العمليه اذا صارت ليها مشاكل ولا بتقول ليكم راحت بإستشاره لو بدون ولا بتقول ليكم هي تمشي على نظام غذائي لو لا وويش هو النظام
    التكميم هو نفسه قص المعده
     
  15. صارة22

    صارة22 عضو نشيط

    المشاركات:
    458
    الإعجابات المتلقاة:
    33
    نقاط الجوائز:
    28
    الجنس:
    أنثى
    معروف الدكتور اولاا ومشهور وكنت بسوي عنده
    ثاني شي الفنانة شاركت يومياتها والكلام الي ينقال عن شغل هالدكتور و الصدق و الاشاعات عن العملية عنده
    وبعدين صورت بالمستشفى ومن سرير العمليات و المرضى خروجها و قبل وبعد
    وبعدين غير صحيح ان التكميم و القص نفس الشي
     
  16. Dana_1988

    Dana_1988 عضو متميز

    المشاركات:
    3,628
    الإعجابات المتلقاة:
    2,888
    نقاط الجوائز:
    113
    الجنس:
    أنثى
    معلوماتش غلط التكميم هو نفسه القص
    وتقدرين تجوفين العمليه فالوتيوب يقصون ٣ ارباع المعده عشان الشخص اللي ياكل بسرعه يشبع


    Sent from my iPhone using mBahrain mobile app
     
  17. BuYousif

    BuYousif عضو نشيط

    المشاركات:
    587
    الإعجابات المتلقاة:
    191
    نقاط الجوائز:
    43
    مشاكل العمليه تبدأ بعد فتره واحياناً فتره جداً قصيره ولازم متابعه والفنانه أكيد ما بتهد كلشي عندها وبتقعد بس تشارك تفاصيل عمليتها والمشاكل اللي صارت ليها، حتى لو صارت ليها مشاكل مو لازم تقولها ،ولا اذا ما قالتها يعني العمليه مافيها مشاكل

    اذا بتسوين العمليه وما تعرفين ويش هي العمليه اعذريني ما عندش سالفه وبس تبين تغامرين بحياتش على الفاضي

    https://www.instagram.com/tv/Bzvk0tSnHdD/?igshid=7secoulj0jwi

    اختي خلينا نتكلم بواقعيه شوي، الوزن ينزل بعد العمليه لإن الواحد غصباً عنه ما بيآكل يعني بجوع نفسه وهرمون الجوع يكون اقل لإن اصلاً ملغي منه جزء كبير وي الجزء اللي انقطع من المعده، وبعد العمليه غصباً عنه الواحد ما يقدر يآكل ولا شي بس يشرب سوائل، بعدين يصير يآكل وكميات كلش قليله واشياء لينه، يعني بالمختصر كلشي بالاجبار، نفس اللي يآكل وبعدين يجبر نفسه يرجع الاكل

    انزين ليش كل هالسالفه ؟ ليش اقطع المعده واتخلص من جزء كبير من هرمون الجوع ؟ ليش ما اقلل من افراز الهرمون بشكل طبيعي ؟ حجم المعده ما يهمني !! مو لازم تنترس على الآخر عشان الواحد يشبع !! الشبع ماليه علاقه بالامتلاء !!

    نظامي يخليني آكل لما اجوع ولين اشبع وعادي كلش تطوف 24 ساعه وانا ماحسيت بالجوع واذا حسيت بالجوع آكل لين اشبع ما يهمني شبعت من فخذ دجاجه لو دجاجه كامله ولا يهمني وجبه وحده لو ست وجبات، اذا اقدر اتحكم في هالشي بلا عمليه لاويش اسوي عمليه ؟ اقدر آكل واضعف لاوي اضعف وانا ما أقدر آكل وغصباً عني ؟

    حتى المتكمم مرده بيرجع يسوي نظام غذائي ومو بإرادته الا غصباً عنه وهذا الفرق بين المتكمم وغير المتكمم، واحد يبدأ بإرادته وبقناعه والثاني يبدأ غصباً عنه لإن حتى لو بياكل ما بيقدر ولو خربط تضل السعرات قليله وبينزل وزنه
     
    سونامية و شجرة الحياة معجبون بهذا.
  18. صارة22

    صارة22 عضو نشيط

    المشاركات:
    458
    الإعجابات المتلقاة:
    33
    نقاط الجوائز:
    28
    الجنس:
    أنثى
    موكل احد ينفع وياه هالكلام ناس واجد سووا دايتات بنهاية ما ينزل الوزن بسرعه او ياخذون ادوية تفتح الشهية لانه مرضى ىكاعراض
    الكلام ببلاش وهالعملية صارت منتشرة كثير بالكويت .كل واحد ووضعه و الاوزان الضخمة لازم تكميم قبل لاتجيه جلطة و العادية دايت
     
  19. BuYousif

    BuYousif عضو نشيط

    المشاركات:
    587
    الإعجابات المتلقاة:
    191
    نقاط الجوائز:
    43
    اي كلام اللي ما ينفع ؟
    احنا ما نمنا ضعاف وقعدنا متان عشان نبي ننام متان ونقعد ضعاف، الزياده بالوزن مو مرض لكنها عرض لمرض وأكيد الزياده هذي تراكمات مالت سنين طويله، لازم نعالج الاسباب والجسم بروحه بعدين يعالج المشكله وأكيد الموضوع يحتاج وقت

    اذا بنتكلم عن النظام اللي ذكرته فوق وهو نظام دشتي

    نظام دشتي يحول الجسم بالكامل من الاعتماد على الكربوهيدرات ( المصدر الرئيسي للطاقه ) الى الاعتماد على الدهون كمصدر رئيسي للطاقه وفي هذي الحاله الجسم يستخدم الدهون كطاقه بكل وقت حتى والشخص نايم يعني بالمختصر سعراته الحراريه اللي يحتاجها كلها بتكون مصدرها الدهون مادامت الكربوهيدرات ماتدخل الجسم، وهذا الشي مايتغير ومايصير يعني ينفع لفلان وماينفع لعلان .. الجسم مافيه كربوهيدرات غصباً عنه بيحول على الدهون، طبعاً هذا ما يعني ان اللي انظمتهم فيها كارب جسمهم ما يحرق دهون لكن اهني نتكلم عن واحد عنده زياده كبيره بالوزن وما يبي جسمه يقعد يتعامل اول وي الكربوهيدرات كمصدر طاقه ولما يخلص بعدين يروح للدهون ويبي جسمه دايركت يحرق دهون وبشكل مستمر

    اللي ما يعرف ان الجسم يعتمد على الكربوهيدرات كمصدر طاقه اساسي ومادام موجود بالكميه الكافيه للجسم صعب انه يتحول يحرق الدهون المخزونه بالجسم اللي هي اساساً طاقه فائضه خزنها الجسم كمصدر طاقه احتياطي يرجع له لما يصير عنده نقص بالطاقه لا يقول جربت وجربت وهو ما يعرف هذا الشي الاساسي

    ياما ناس اوزانهم كلش عاليه ونزلوها بالدايت وبدون تكميم، مو شرط اللي عنده زياده كلش كبيره بالوزن يكون خياره الاول التكميم لإن مو شرط تكون حالته الصحيه جداً جداً سيئه ولازم علاج سريع

    ولا نقص على بعض، التكميم مجرد قص للمعده عشان الشخص ينجبر يشبع اسرع ومردها المعده تتوسع وحطيت فوق كلام لأخصائي كويتي معروف يبين فيه الايجابيات والسلبيات

    معدلات النزول الطبيعيه تبدأ حتى من نص كيلو في الشهر، تصبرون على هالرقم ؟ او اذا ما نزلتون اكثر يعني جسمكم ما يستجيب ولازم عمليه ؟
     

مشاركة هذه الصفحة