بحث متقدم

[معلومات] تمارين البوش اپ

الموضوع في 'الرياضة' بواسطة ام أحمد, بتاريخ ‏30 يناير 2015.

  1. ام أحمد

    ام أحمد عضو جديد

    المشاركات:
    22
    الإعجابات المتلقاة:
    8
    نقاط الجوائز:
    3
    الجنس:
    أنثى
    السلام علیكم :)

    حبيت اطرح هالموضوع بعد ما صادني احباط وانا احاول اسوي هالتمرين.. تعبت لكن من غير فايده :sweat:حبيت اشوف مشاركاتكم و من يقدر يسوي هالتمرين؟ وبعد فتره كم قدر يتمكن من أداء هالتمرين.. واللي عنده نصايح ياريت يذكرها و اقرا تجاربكم عشان ماافقد الامل. :D
     
  2. جاري تحميل الصفحة...

    المواضيع المتشابهة في منتدى التاريخ
    للبيع سيكل ريسنغ للتمارين المنزلية الرياضة ‏26 مايو 2016
    للبيع جهاز لتمارين البطن وشد الأرداف الرياضة ‏28 أكتوبر 2015
    للبيع جهاز رياضي لعمل تمارين رياضية بسهولة الرياضة ‏22 سبتمبر 2015
    للبيع جهاز لتمارين البطن الرياضة ‏15 مايو 2015
    عندى جهاز اوربتراك للتمارين المنزلية لم يستخدم الرياضة ‏22 ابريل 2015

  3. BuYousif

    BuYousif عضو نشيط

    المشاركات:
    572
    الإعجابات المتلقاة:
    180
    نقاط الجوائز:
    43
    وعليكم السلام ورحمة الله وبركاته

    اختي التمرين في البدايه تكون فيه بعض الصعوبه لن العضلات والاعصاب مافيهم قوه تتحمل التمرين بالوضعيه العاديه للتمرين ، عشان تقوين الجسم اول شي سوي تمرين البلانك اللي هو تكونين بنفس وضعية تمرين الضغط بس ثابته بدون حركه تسوينه لإطول فتره ممكنه وهذي صورته

    [​IMG]

    اللي هو بالصوره الاخيره بس الاسهل منه اللي بالصوره الاولى فوق ، اول جم يوم تسوين نفس الوضعيه اللي فوق بعد جم يوم تسوين الوضعيه اللي تحت وبعد جم يوم تصيرين تتنقلين بينهم مثل ماهو واضح بالصوره الوسطيه يبدأ بالصوره الاولى بعدين يرفع يد يد ويرد يرجع ينزل يد يد ويكرر كم مره

    اما تمرين الضغط نفسه ليه اكثر من وضعيه ممكن تسوين اللي على الجدار وهو اسهل واحد

    [​IMG]

    واذا بتزيدين الصعوبه تسوينه على شي مرتفع بس انزل من الجدار يعني مثلاً طاوله واذا بتصعبينه اكثر تسوينه على كرسي وبتصعبينه اكثر تسوينه على شي انزل من الكرسي لين توصلين تسوينه على الارض وبعدين اذا بتصعبينه ترفعين الرجلين على كرسي او ترفعين رجل وحده او تحملين شنطة ظهر فيها وزن ، واذا بالوضعيه العاديه على الارض عادي تسوينه والركبتين على الارض ويكون اسهل لن الركبتين تآخذ شوية حمل عليها

    [​IMG]

    تمرين قوي وفعال والتطور فيه ملحوظ وعادي في البدايه اذا سويتينه تحسين الدم كله بالراس وكأنه بينفجر وانتين تحاولين ترفعين نفسش وهذا كله من ضعف العضلات والشي الثاني انه تركيزش ماهو على العضله خلي الجسم مرتاح والحمل كله على العضلات المستهدفه والمشموله بالتمرين

    انا عن نفسي كنت ما اقدر اسويه ولا مره وكنت اذا بسويه احس بضغط في راسي كأنه بينفجر وقلت هذا التمرين شكله مستحيل عليي اني اسويه واللي يسوونه ابطال لنه تمرين صعب ومرت الايام وفكرت فيه مره ثانيه ورجعت اقرأ عنه وعرفت طريقته الصحيحه ورجعت اسويه ولو مره وحده بس وكنت استخدم تطبيق موجود في القوقل بلاي يعطيني جدول وكان التمرين فيه يومي على ما اتذكر ومع الايام صرت اقدر اسويه ، ما ليي فتره طويله بالتمارين بس بالفتره الاخيره التزمت بس 10 اسابيع بالتمارين وبعدها اهملت الموضوع وقبل جم يوم بعد اشهر وفتره طويله من ترك التمارين حبيت اقيس مستوايي وللأسف ما كان المتوقع بس كان معقول جداً قدرت اسويه 15 مره متواصله وما تعتبر قياس دقيق بدون وجبه قبل التمرين بدون طاقه كافيه وبدون حتى تحميه والسكوات ب 4 دقائق 100 سكوات وبعد يعتبر جيد نوعاً ما بس كنت متوقع اكثر

    اعطيش قرنتي اذا تبعتين برنامج رياضي صح وعدل بتشوفين نفسش تتطورين بهالتمارين بشكل سريع وشكل الجسم كل ماله يتغير للأفضل والصحه بشكل عام تتغير للأفضل خصوصاً القوه والنشاط ولا تيأسين ولو كان في الم فترة التمرين ترا فترة التمرين جداً بسيطه ما تتعدى 45 دقيقه باليوم والاغلب يقدرون يدبرونها واللي يسويه يسويه عشان صحته يعني لا يجي واحد يقول ما بضيع وقتي على التمارين وهو جسمه كله امراض ، تضيع جم دقيقه يومياً لكنك تحسن من صحتك وتحارب الامراض اللي تقصر من العمر والوقت اللي بتآخذه في التمرين ماهو اطول من الوقت اللي بتآخذه وانت تتنقل من مستشفى لمستشفى ومن صيدليه لصيدليه غير التوفير

    استمري عليه واضمن ليش النتايج بس لا تتمرنينه بروحه خلي وياه جم تمرين زياده عشان تكون التمارين لكل الجسم ويكون حرق الدهون اقوى واقوى وبنفس الوقت التقويه تكون للجسم كامل مو نص ونص
     
    أعجب بهذه المشاركة wild cat
  4. ام أحمد

    ام أحمد عضو جديد

    المشاركات:
    22
    الإعجابات المتلقاة:
    8
    نقاط الجوائز:
    3
    الجنس:
    أنثى
    شكراً جزيلاً لك اخ BuYosif على التوضيح.. ويعطيك ألف عافيه.. وان شاء الله بمشي على اللي قلت لي عليه وان شاء الله اوصل لمستوى يرضيني .. بس عندي سؤال ثاني بعد..
    هل الوزن له علاقه بهالتمرين؟ يعني وزني شوي لك عليه 80 :seenoevil:
    اقدر اسويه عادي ولا الوزن ماله علاقه؟؟
     
  5. BuYousif

    BuYousif عضو نشيط

    المشاركات:
    572
    الإعجابات المتلقاة:
    180
    نقاط الجوائز:
    43
    الوزن له تأثير وكل ما كان الوزن ابعد من الحدود المثاليه كل ما كان التمرين اصعب بس مع ذلك راح تتطورين فيه وبنفس الوقت يساعد بشكل كبير على حرق الدهون خصوصاً لو اضفتينه مع تمارين الكارديو والافضل اول تسوين تمارين المقاومه وبعدها على طول تمارين الكارديو او تدمجين الاثنين مع بعض تمارين مقاومه بنظام الفواصل عالي الشده يعني مثلاً تختارين مجموعه من التمارين لكامل الجسم وتسوين كل تمرين لمدة 4 دقائق وتكون الطريقه 20 ثانيه تسوين فيها التمرين بأسرع ما تقدرين و10 ثواني راحه وترجعين تكررين 20 ثانيه تمرين / 10 ثواني راحه لين تكملين 4 دقايق

    تقدرين تفتحين الماركت سواءاً كان جهازش اندرويد او آيفون وتحملين برنامج اسمه 7 minute workout هذا فيه تمارين لكامل الجسم بس لمدة 7 دقائق وتفيد بحرق الدهون اكثر من المشي لساعه لن الحرق يكون مستمر لمده توصل يومين وممكن تتبعينه كبدايه وفي برامج ويش قد واذا تبين اعطيش اسماء برامج للاندرويد لا يردش الا الكيبورد
     
  6. أم ايات

    أم ايات عضو نشيط

    المشاركات:
    1,960
    الإعجابات المتلقاة:
    9
    نقاط الجوائز:
    38
    في تمارين للكرش فقط عالتلفون اذا موحود ممكن اسمه عالخاص بغيت لتخفيف وشد الكرش فقط وليس الجسم باكمله
     
  7. ضحكتي ماركة

    ضحكتي ماركة عضو متميز

    المشاركات:
    1,479
    الإعجابات المتلقاة:
    126
    نقاط الجوائز:
    63
    ما في تمارين تشد الكرش او البطن فقط عضلات الجسم كلها تشتغل مع بعض
    نزلي برنامج Abs
     
  8. احادي الجانب

    احادي الجانب عضو متميز

    المشاركات:
    1,126
    الإعجابات المتلقاة:
    312
    نقاط الجوائز:
    83
    اذا وزنج زايد اكثر من اللازم وسويتي بش اب حتمال ياثر على ظهرج لانة في وضعية خاصة للبش اب نصيحة مني البش اب مايضعف يشد الجسم اي افضل شي نزلي وزنج لحد معقول لانج بالبش اب ترفعي حمل جسمج فاذا وزنج زايد ما راح تتمكني تسوينة بصورة صحيحة
     
  9. BuYousif

    BuYousif عضو نشيط

    المشاركات:
    572
    الإعجابات المتلقاة:
    180
    نقاط الجوائز:
    43
    التأثيرات الجانبيه بسبب الوضعيات الغلط يعني حتى لو سوته ووزنها اقل من المثالي لكن الوضعيه غلط بعد يمكن تحس بآلالام بس اذا كانت الوضعيه صحيحه حتى اذا عندها زياده في الوزن تقدر تسويه وبالعكس التمرين يستهدف مجموعه كبيره من العضلات دفعه واحده يعني تحرق فيه بشكل كبير اذا اتبعت تكتيك صحيح لحرق الدهون وموجود اكثر من طريقه عشان تستفيد اكثر من التمرين ، على العموم التمرين له اكثر من وضعيه اذا كانت الوضعيه العاديه فيها صعوبه تقدر تسويه حتى على الجدار وتواصل عليه لفتره ولو كانت تحسه سهل الا انه راح يقويها بس الموضوع يحتاج وقت اكيد ، من اهم التمارين عندي عشان احرق دهون جسمي تمارين الضغط والسكوات والعقله وكلهم بوزن الجسم وعندي زياده فوق ال 10 كيلو وعادي وبالعكس تتمرن الحين ووزنها اكثر من الطبيعي بتصير العضلات عندها اقوى واذا وصلت للوزن الطبيعي بعدين تقدر بسهوله تصعب التمرين وتستفيد منه اكثر واكثر
     

مشاركة هذه الصفحة