بحث متقدم

البدء في مشروع منزلي

الموضوع في 'جاوبني !' بواسطة inspiration99, بتاريخ ‏16 نوفمبر 2018.

  1. inspiration99

    inspiration99 عضو جديد

    المشاركات:
    10
    الإعجابات المتلقاة:
    2
    نقاط الجوائز:
    3
    السلام عليكم

    قررت أبدأ مشروع من البيت
    بس عندي چم استفسار ويا ليت تساعدوني

    1. هل أحتاج أفتح سجل تجاري؟

    2. في حال قررت أشتري أغراض من النت وأبيعها، هل أوفر بضاعة محدودة كبداية وأشوف اقبال الناس أو أعرض البضاعة كصور واللي يبي أطلب له؟ يمكن الناس ما تبي تنتظر وتبي البضاعة جاهزة؟ - أتمنى فهمتون قصدي

    3. شلون أخلي الناس تثق في بضاعتي؟

    4.شلون طريقة حساب الربح المعقول؟

    5. شنو الافضل احتساب مبلغ للتوصيل او التوصيل يكون مجان مع احتساب سعره ضمن البضاعة؟

    6. الافضل التعامل مع شركة توصيل او مندوب؟ وشلون أضمن المندوب ما بيخدعني؟

    7. شنو الاحتياجات الثانية غير مثلا أرصدة و أكياس؟

    8. عندكم نصائح عامة؟

    وشكرا
     
    آخر تعديل: ‏17 نوفمبر 2018
  2. جاري تحميل الصفحة...

    المواضيع المتشابهة في منتدى التاريخ
    البدء بتجارة جاوبني ! ‏22 نوفمبر 2012
    شنو افضل تلفون او كاميرا ذو جودة عالية لتصوير صورة وفيديو للاماكن واكون السعر مناسب جاوبني ! ‏أمس في 13:16
    ابي اطرش طرد فيه اوراق لأمريكا تنصحوني بأي شركة جاوبني ! ‏2 مايو 2019
    التلفزيون يطفي بروحه جاوبني ! ‏29 ابريل 2019
    اسعار بناء فيلا ؟ جاوبني ! ‏20 ابريل 2019

  3. المتفوق

    المتفوق عضو

    المشاركات:
    82
    الإعجابات المتلقاة:
    0
    نقاط الجوائز:
    6
    اتصل فيني وان شاء الله اقدر افيد
    33730857
     
  4. أسرار الروح

    أسرار الروح عضو نشيط

    المشاركات:
    187
    الإعجابات المتلقاة:
    54
    نقاط الجوائز:
    28
    الجنس:
    أنثى
    ١. ما اعتقد يحتاج
    ٢.البضاعة الجاهزة أسهل وأسرع للزبائن
    ٣. اتاكدي من جودة البضاعة اولا
    ٤. الربح يحتسب من سعر البضاعة مع سعر الشحن والتوصيل ومبلغ للفائدة
    ٥.التوصيل اتفقي مع مندوب توصيل أو استلام من المنزل
    ٦.وقعي مع ورقة حكومية أفضل اسالي عنه ناس مجربينه
    ٧. ضيفي خدمة تغليف الهدايا الأرصدة مع الأكياس احسبي سعرهم من فائدة البضاعة
    ٨٠ بالتوفيق للجميع ياريت البضاعة متنوعة الأسعار عشان الكل ياخذ من عندكم
     
    أعجب بهذه المشاركة inspiration99
  5. inspiration99

    inspiration99 عضو جديد

    المشاركات:
    10
    الإعجابات المتلقاة:
    2
    نقاط الجوائز:
    3
    شكرا أختي
    البضاعة انا متأكدة منها ومجربتنها بس ما أعرف شلون أكسب ثقة الكستمر علشان يشتري
    وإن شاء الله راح تكون بضاعة متنوعة بس مخصصة لفئة معينة ( الأطفال)
     
    أعجب بهذه المشاركة أسرار الروح
  6. inspiration99

    inspiration99 عضو جديد

    المشاركات:
    10
    الإعجابات المتلقاة:
    2
    نقاط الجوائز:
    3
    يا ريت لو تكتب المعلومات اللي عندك في هذا الموضوع أفضل وعلشان الكل يستفيد
    وشكرا
     
  7. StGaS

    StGaS عضو

    المشاركات:
    42
    الإعجابات المتلقاة:
    11
    نقاط الجوائز:
    8
    ك بدايه لاتفتحين سجل تجاري اذا تيسرت امورج و كبر المشروع افتحي سجل بدون عنوان
    اما بالنسبه للبضاعه من الخارج يعني اتاكدي من الاسعار الي في البحرين قبل لاتتطلبين يعني انا شخصياً استخدم موقع اسعاره جداً رخيصه مقارنه بالبحرين وخصوصاً لما يكون في دسكاونت كود و ملابس الاطفال مشروع جداً ناجح اما بالنسبه للتوصيل تقدرين تتفقين مع مندوب

    و بالتوفيق
     
    أعجب بهذه المشاركة inspiration99
  8. inspiration99

    inspiration99 عضو جديد

    المشاركات:
    10
    الإعجابات المتلقاة:
    2
    نقاط الجوائز:
    3

    شلون أوقع اتفاقية أو عقد مع المندوب علشان لا سمح الله ما يخدعني أو شيء من هالقبيل ؟
    الحمدلله معظمهم ثقة بس الحذر واجب

    الله يوفق الجميع إن شاء الله
     
  9. Ambitious_Girl

    Ambitious_Girl عضو متميز

    المشاركات:
    1,647
    الإعجابات المتلقاة:
    738
    نقاط الجوائز:
    113
    الجنس:
    أنثى
    1. هل أحتاج أفتح سجل تجاري؟
    لا كبدايه ما تحتاج جرب اول افتح لك انستغرام وبيع وجوف اشلون البزنز ماشي وياك، اتوقع بعد 6 شهور تقدر تحدد اذا تحتاج او لا

    2. في حال قررت أشتري أغراض من النت وأبيعها، هل أوفر بضاعة محدودة كبداية وأشوف اقبال الناس أو أعرض البضاعة كصور واللي يبي أطلب له؟ يمكن الناس ما تبي تنتظر وتبي البضاعة جاهزة؟ - أتمنى فهمتون قصدي
    انصحك من واقع تجربه كبدايه انك تعرض الصور وتوفر حسب الطلب والتوصيل خلال اسبوع تقريبا وعلى حسب الموقع الي بتطلب منه اذا بوصله خلال اسبوع تمام لكن اذا اكثر ما اعتقد مناسب
    جوف اقبال الناس و جوف شنو اكثر شي ماشي وعقب اذا صار اقبال اكبر على البضاعه تقدر وفر منها كميه محدوده
    واذا زاد الاقبال وفر اكثر ، يعني كل شي بتدريج

    3. شلون أخلي الناس تثق في بضاعتي؟
    الافضل اذا بضاعتك عن منتجات تحط تجارب الناس عنها
    ولا تحط صور دايركت من الانترنت ، تقدر تصور البضاعه بتصوير بروفشنال و تسوي ديزارنات للصور
    واذا بعت حاول تحط ردة فعل الزباين من البضاعه ، وبهذا الناس راح تثق ببضاعتك

    4.شلون طريقة حساب الربح المعقول؟
    لازم تحسب كل شي قيمة البضاعة+سعر الشحن+ النسبة الي ياخذونها بطاقة البنك+ سعر الكيس+ سعر الرصيد او اي شي متضمن البضاعه+ سعر الفائدة تقدر انت تحددها

    5. شنو الافضل احتساب مبلغ للتوصيل او التوصيل يكون مجان مع احتساب سعره ضمن البضاعة؟
    على حسب انت شنو تفضل وعلى حسب سعر البضاعه

    6. الافضل التعامل مع شركة توصيل او مندوب؟ وشلون أضمن المندوب ما بيخدعني؟
    كبدايه تعامل مع مندوب جربه وجوف دقته في المواعيد وخبره حتى اذا وصل البضاعه يخبرك عشان يكون عندك علم بكل شي

    7. شنو الاحتياجات الثانية غير مثلا أرصدة و أكياس؟
    هذا اهم شي

    8. عندكم نصائح عامة؟
    اهم شي تكون صبور
     
    وردة نايس و inspiration99 معجبون بهذا.
  10. inspiration99

    inspiration99 عضو جديد

    المشاركات:
    10
    الإعجابات المتلقاة:
    2
    نقاط الجوائز:
    3
    شكرا جزيلا

    ما أقدر أصور البضاعة تصوير شخصي لأنها للاستخدام الشخصي ( مفارش سرير للطفل )
    فهل عندكم اقتراحات ثانية؟
     
    أعجب بهذه المشاركة Ambitious_Girl
  11. الخيال

    الخيال عضو متميز

    المشاركات:
    1,571
    الإعجابات المتلقاة:
    314
    نقاط الجوائز:
    83
    افضل مشروع هو الاكل
     
  12. حرائر

    حرائر مشرفة جاوبني

    المشاركات:
    2,359
    الإعجابات المتلقاة:
    594
    نقاط الجوائز:
    128
    الجنس:
    أنثى
    أضيف على اللي ردوا فوق .. بخصوص موضوع المندوب
    فيه شركات شحن ثقة موجودة في السوق وشغلها تمام ومواعيدها مضبوطة مثل أرامكس و Ubex

    وبخصوص موضوع الثقة ..
    الثقة راح تنبني بعد ما تتعاملين مع الزبائن وتكسبين ثقتهم من خلال جودة البضاعة وسرعة التوصيل والدقة والمعاملة الطيبة ..
    وكلما زاد عدد متابعين الحساب، الناس راح تنجذب لحسابش

    وبالتوفيق حبابة ..
     
    أعجب بهذه المشاركة Ambitious_Girl

مشاركة هذه الصفحة